lunes, 1 de octubre de 2012

Udazkena

-->
Udazkeneko arrats goibela. Urre eta erdoi koloreko hostoak eramanez, hego haizea zuhaitzak pixkanaka biluzten ari da. Gau luze eta freskoen ondoren hegazti-andanak hegoalderantz ihesi ikusirik, negua uste baino hurbilago ez ote dagoen pentsatzen hasiak gara.


Baso fruituak


Aurreko hilabetean bezala, urrian ere fruitu ugari aurki daiteke gure mendietan.

Gaztainondoek okertutako adarrak ageri dituzte morkotsez beteta eta haritz eta pago-ezkur batzuk ere badira. 

Txorierriko mahastietan berriz, uzta biltzeko garaia iritsi da. Lanaldi itzela beraz, Bizkaiko txakoli bikainak egiten diren lursailetan.

Mahats-mordoak biltzerakoan ale askotxo erortzen da lurrera, baina ez pentsa alferrik galduko direnik. Izan ere, asko dira elikagai gozo hau jatera hurbilduko diren animalia-espezieak, azken finean, hauxe baita sasoi honetan egin beharrekoa: ahal den adina jan eta erreserbak metatzen saiatu, negua... ate joka ari zaigu eta.




-->
M.M.Elosegik idatzia Elhuyar aldizkarian

No hay comentarios:

Publicar un comentario